點樣選擇適合自己嘅牙膏？
牙膏嘅功效係幫助我哋清潔牙齒，其功用要根據所含嘅主要成分。
一 含氟化物牙膏
呢種牙膏內含有Sodium Fluoride (NaF)，Stannous Fluoride (SnF2)或 Monofluorophosphate (MFP2) 都屬含氟化物牙膏，它的氟化物嘅含量大約1,000 ppm ，可以有效地幫助防止蛀牙。兒童氟化物牙膏的含氟量係500ppm，呢種牙膏有多種味道，如：果味或糖果味，適合兒童使用。
二 防敏感牙膏
呢種牙膏可以有助封閉牙齒外露象牙質（例如刷蝕嘅牙腳）內嘅微細管道，可以有效減低我哋牙齒敏感嘅程度。不同牌子嘅牙膏含有不同嘅化學成分，例如Potassium Nitrate或Hydroxyapaptite。因為防敏感牙膏不可以代替普通嘅牙膏作為長期使用，因此使用前應先征詢牙科醫生嘅意見。
c. 防牙石牙膏
呢種牙膏聲稱可以阻礙牙菌膜鈣化，從而減低牙石形成嘅速度，主要成分有Pyrophosphate 或者 Zinc Citrate。
d. 防牙菌膜牙膏
呢種牙膏可以抑制牙菌膜嘅積聚，削弱細菌所產生嘅毒素對牙周組織造成刺激，減少引致牙周病的機會。市面上嘅防牙菌膜牙膏含有不同嘅防牙菌膜主要成分，例如Triclosan和Zinc Citrate。
e. 美白牙膏
呢種牙膏含比較粗糙的微粒，作用係磨去我哋牙齒表面嘅牙漬，從而有效漂白我哋嘅牙齒。不過長期使用呢種牙膏會令到牙齒表面粗糙，最終令牙漬更容易沉積在牙齒上。
